((عرس بغداد))
بغداد يمكحـٌـله يم ركًبة الحلــــــــوه
مبيـوكً ليش الفرح من شفٌتج كًـــــــوٌه
بغـــــــــداد ليش إبدمع تتطرٌز إخدودج
مو إنتي أم الفرح منهو الكِســَر عــــودج
بغـــداد شهكًة مُحِبْ فَز ولـكًه أحبابـــــه
وتحمٌــرت شفـٌتج بالدم يحبــٌـــــــابه
كًوليــلي يمته الفرح يفتح لج أبــــــوابه
جـِبنا إلج إلزفتــٌــج حنـٌه و ورد وبخــور
شفنـــاج حِزمـَة ضـوه ومطـَعُمٌه إبٌـــلور
طلقه وعشكًها الزمـَر بس تبتسم له إيثــــور
وإشمحْلـَـه عِرس التفـَكً لو هلهل الشاجـــور
بغداد ضحكة شمس!! بغــــــــــداد هلهوله
بغـــداد ليش الدمع صاير إلج ســــــــوله
كًوليـــلي شنو هالصبر و خلـكًج إشطــــوله؟؟
بغداد إنتي الأمل !! بغــــــــداد إنتي الحيل
لازم يجيـــلج صبح مهما يطول الليــــــــل
السبت سبتمبر 10, 2011 7:34 pm من طرف زورائي ديالى
