شركه امنيه وشركه اتصالنا في العراق
قبل حوالي شهر تقريبا ضهر في الاسواق اختراع جديد اسمهو هاتف ونترنيت امنيه او اتصالنا
يمتاز هذا الهاتف بانهو يتصل بالانترنيت لاسلكيا وبدون منضومه وبسرع عاليه جدا تصل الى 10000/عشره الاف كيلو بت/هذا طبعا في الدول المتقدمه طبعا هذهي السرع تعتبر قليله في تلك الدول لكون هناك تقنيات غير الوايرليس تعطي سرع اكثر بكثير وهيه تقنيه الكابل الضوئي حيث ان الانترنيت يصبح كانك تتصفح ملفات موجوده في الفلاش ميموري وكئنك تاخذ ملفات موجوده في الفلاش ميموري وتنزلها الى الحاسوب بنفس تلك السرعه وانت تخيل السرع/حيث يمكنك مشاهده ثلاث او اربع محطات تلفزيونيه بثا مباشرا بتقنيه ال ايف تي بي تقنيه نقل المعلومات بالانترنيت
توجهت حينها الى الانترنيت للبحث عن مواضيع مشابهه
فوجدت شركه امنيه للهاتف والانترنيت الواير ليس في السعوديه تقوم بتطوير سرعتها من 3500 كيلو بت الى سرعه7000 كيلو بت/ويقال ايضا ان اميركا اوصلت سرعتها الى 10000كيلو بت
وكان تعليقات الاخوه في السعوديه بانهم لم يصلو الى 3000 كانت 2000 فقط وان ال 7000 ايضا سوف لن تكون كذلك ربما فقط الى 5000 كيلو بت
بمعنا ان السرعه في السعوديه وصلت الى 2000 كيلو بت والشعب السعودي متذمر ويتهم الشركه بانها
مقصره وتغش في عملها
توجهت الى الاسواق لاستفسر عن الاسعار وسعر الاشتراك
فاخبروني ان سعر الساعه الواحده 20 سنت والشهر الاول مجانا وسعر الجهاز 130 دولارا
دانشت فكري وكلت الشهر الاول مجانا هاي تعادل 40 دولار يعني الجهاز يطلع ب 90 دولار والاشتراك رخيص
ثم استفسرت من اختصاصيين في مجال الشبكات عن الموضوع فاخبروني ان هذا الكلام صحيح مئه بالمئه
ولكن السرعه مقاسه بالكيلو بت وليس الكيلو بايت حيث ان هناك فرق مايعادل 8 اضعاف بالنسبه للكيلو بايت عن الكيلو بت
اعدت حساباتي من جديد
هاتف اتصالنا سرعه الانترنيت 150 كيلو بت
150 تقسيم 8 الناتج يساوي19كيلو بايت
روح 10 كيلو بايت هم قابلين
فقررت ان اشتري خط اتصالنا
ولمن اشتريت الخط اشتغلت البواري
بوري رقم واحد/ماكو شي اسمه الشهر الاول مجانا هيه بس اول عشر ساعات مجانا
يعني الكذب علني بدون مستحه
بوري رقم2/السرعه 2كيلو بايت واحنه بيتنه بصف برج الارسل الله يساعدك مصطفى بيتكم بالصحراء
بوري رقم3/الخط ايكطع
بوري رقم 4/انباك من رصيدي دولارين وماكو موقع ينطيك تقارير الاتصال الخاصه بيك/الله يرحم ايام اوروك ينطوك الموقع الي تكدر اتشوف تقارير الاتصالالخاصه بيك
بوري رقم5/اجتني رساله على التلفون اتكول بالنص الواحد والله واحد/عزيزي المشترك يرجى شحن 15$للاستمرار بعرض ويانا سوبر/الله اليستر اذا طلعونه من السوبر هاي السوبر هيج لعد الاده اشلون
القصد من موضوعي مو ضرب لهذي الشركه انما للتسائل ليش احنه هيج عن دون كل البشر
انشالله اتكون الشركه في وضع التطوير وانشاء الله توصل الى سرعه 2000 كيلو بت وانشالله العراقيين يتذمرون من هيج سرعه بطيئه
انشالله خدمه الكيبل الضوئي توصل للعراق وتوصل الكل بيت مجانا
وانشاء الله افتتاح اول خدمه في العالم راح اتكون في العراق وهيه خدمه الهاتف ناقل الكتله وبوزن لبضاعه لايزيد عن 10كيلو وبحجم كره نصف قطرها30سم وبسعر 1سنت للكيلو متر الواحد
وانشاء الله يتم تطويرها الى وزن 25 كيلو وبحجم كره نصف قطر 50سم وبنفس السعر القديم
يعني الحصه التموينيه تجيك بالتلفون انشاله
وحته جهالك ادزهم للمدرسه بالتلفون
انتو بس كولو يالله وهيه تتدبر
بس خوفك ليدزولك مفخخات للبيوت عن طريق هذه التلفون
وشكرا لكم اخواني على قرائتكم لهذا الموضوع اخوكم صقر زهيرات